Mes Recettes
كرواصة معمرة بعقدة اللوز
كرواصة معمرة بعقدة اللوز
السلام عليكم ورحمة الله وبركاته
أقدم لكم اليوم كرواصة معمرة بعقدة اللوز سهلة التحضير وناجحة
مقادير كرواصة معمرة بعقدة اللوز
500 غرام دقيق
200 مل حليب
100 مل زيت
15 غرام من خميرة الخبز
معلقة صغيرة من خميرة الحلوة
1 بيضة
ملح
2 معالق كبيرة سكر
زبدة في حرارة المطبخ للتوراق تقريبا 120 غرام
اصفر بيضة + رقائق اللوز +
سكر بودرة للتزيين
عقدة اللوز للحشو
طريقة تحضير كرواصة معمرة بعقدة اللوز بالخطوات المصورة
نخلط جميع مقادير العجينة
نجمع العجينة على شكل كرة ونتركها ترتاح 10 دقائق
نشكل منها 8 كورات صغيرة، ونتركها ترتاح مرة أخرى لمدة 15 دقيقة
نبسط باليد كويرة
ونضع فوقها الزبدة
نستمر بنفس الطريقة حتى نتمم الكل
نبسط العجين بالمدلك
ونقطعها على شكل مثلثات أو مربعات
نضع على طرفها اصبع من عقدة اللوز ونلف العجينة حولها
ندهنها بأصفر البيض و نرش فوقها رقائق اللوز و نتركها تخمر
ندخلها فرن متوسط الحرارة ونتركها حتى تنضج وتتحمر
ثم نرش عليها السكر بودرة وتقدم بالصحة والعافية
طورطات صغار بكريمة البرتقال
طورطات صغار بكريمة البرتقال
كنقدم ليكم اروع طورطات صغار بكريمة البرتقال
كيجيو لذاذ يمكن ليك سيدتي تعمريهم باي فاكهة حبيتي
مقادير الطارط بريزي
250 غ طحين
120 غ زبدة
ملعقة صغيرة سكر
نصف ملعقة صغيرة ملح
75 ملل ماء بارد جدا
طريقة تحضير الطارط بريزي
يذوب السكر والملح في كمية الماء الباردة ويترك جانبا
من جهة اخرى تخلط الزبدة مع الطحين ويفرك بين الاصابع دون الاكثار
الى ان نحصل على مزيج بشكل حبيبات صغيرة مثل الكسكس
و نضع حفرة وسط الطحين ونصب كمية الماء مرة واحدة ونجمع العجينة
دون عجنها ثم توضع العجينة في كيس بلاستيك وتحفظ في الثلاجة
لترتاح اقل مدة 5 ساعات يفضل تجهيزها بليلة كاملة.
تطلق العجينة وتوضع في قوالب الطارت
ونتكوهم بالشوكة
ونغطيوهم بورق الطبخ ونوضعو فوقهم حمص أو لوبية باش تيبقاو
قابطين الفورمة ديالهم ومتنزلوشي وندخلوهم الفرن يطيبو ونزولو
ليهم الورق ونرجعوهم يكملو طيابهم من الداخل
يمكن تحتافضو بيهم في المجمد لفترة طويلة على حساب صلاحية الزبدة
مقادير الكريمة
1/4 لتر عصير برتقال
فاني
م ك كريم باتيسيير
2 م ك سكر الكمية تزيداو تنقص على حسب لحلاوة لكل واحد
طريقة تحضير الكريمة
نخلطو كلشي ماعدا الزبدة
ونعملوه فوق النار مع التحراك المستمر حتى يعقاد ونزولوه من النار
ونضيفو الزبدة ونحركو حتى دوب
نخليوها حتى تبرد عاد نستعملوها
ونزينو بالفاكهة المحببة وندهنوهم بالناباج
بالصحة و الراحة
طريقة تحضير بان كيك بالشكلاط
طريقة تحضير بان كيك بالشكلاط
السلام عليكم اليك سيدتي طريقة تحضير بان كيك بالشكلاط
الشهي الذي لا يستطيع احد مقاومة لذته
مقادير بان كيك بالشكلاط
كوب حليب
1 بيض
ملعقتان كبيرتان زبدة
1/3 كوب سكر
1/3 كوب كاكاو
كوب دقيق
1/2 ملعقة صغيرة فانيليا1
ربع ملعقة صغيرة ملح
للتزيين
صلصة شكلاط
طريقة تحضير بان كيك بالشكلاط
- تخلط في وعاء المكونات الجافة:
الدقيق، الكاكاو، السكر، والملح.
- يخلط في وعاء آخر البيض، الحليب والفانيليا
والزبدة حتى تتجانس المكونات.
- يضاف مزيج الحليب إلى الوعاء الاول
واخلطي قليلاً حتى تتجانس المكونات مجدداً.
- على نار هادئة تسخن مقلاة غير لاصقة على نار
متوسطة ووتدهن بقليل من الزبدة.
- يسكب مقدار ربع كوب من العجين في المقلاة للحصول
على دائرة سميكة من العجين.
- تطهى البان كيك لدقيقة أو اثنتين حتى ينضج أسفلها.
- تقلب البان كيك على الجهة الثانية
وتطهى لدقيقة أو اثنتين حتى تنضج من الجهة الثانية.
- وهكذا تعاد الخطوات السابقة حتى ينتهى العجين.
- تقدم البان كيك مع صلصة الشكلاط
بالصحة و الراحة
تحضير طورطة بالفواكه بالصور
تحضير طورطة بالفواكه بالصور
المقادير
العجينة المكسرة
250g دقيق
125g زبدة
معلقة كبيرة سنيدة
فاني
2 اصفر البيض
معلقة صغيرة 2 ماء بارد
كريم باتسيير
لتزيين طورطة
فواكه حسب المتوفر
طريقة تحضير طورطة بالفواكه
نجمع جميع مكونات العجين ثم نبسطه ونضعه في مول ونعمل ثقب بالفرشيط حتى لا ينتفخ
ندخله للفرن وفي هذه الأثناء نحضر الكريم باتسيير
بعدما تحمرت طورطة
نصب الكريم باتسيير في الوسط
ونزين طورطة بالفواكه
ممكن نديرو طورطات صغار بنفس المقادير ونفس الطريقة
بالصحة و الراحة
طريقة عمل كونفيتير بالفريز
طريقة عمل كونفيتير بالفريز
طريقة عمل كونفيتير بالفريز
طريقة سهلة لتحضر المربى في المنزل
حضري مربى الفراولة او الفريز في بيتك
المقادير
كيلو 2 فراولة منظفة
كيلو ونصف سكر
عصير 2 ليمونات
الطريقة
ضعي الفراولة في إناء على النار وعليها السكر والليمون واتركيها لتغلي
وتخلصي من الرغوة الناتجة من الغليان كلما تكونت على الوجه
استمري في التحريك وقللي النار عليها حتى تستوي جيداً وتصبح سهلة الهرس
والآن يمكنكِ هرسها أو تقديمها وبها قطع من الفراولة الصغيرة حسب رغبتك
بالصحة و الراحة
تشيز كيك بالتفاح و الكراميل
تشيز كيك بالتفاح و الكراميل
السلام عليكم و رحمة الله تعالى و بركاته
أقدم لكم اليوم تشيز كيك بالتفاح و الكراميل من ألذ الوصفات
أترككم الان مع المقادير
المقادير
غ 400 بسكوي مطحون أو مهرمش
ملعقة كبيرة سكر،نصف ملعقة صغيرة قرفة
غ 150 زبدة ذائبة
مقاديرالحشوة
تفاحات 5
5 ملاعق كبيرة زبدة
غ 60 سكر
ملعقة كبيرة قرفة
غ 600 فرماج قشدي
2 بيضات
عصير نصف حامضة
2 ملاعق كبار سكر
فاني
كراميل
الطريقة
أولا كنخلطوالبسكوي مع الزبدة والسكر والقرفة
ثم كنوضعوه في القالب وندخلوه الفرن 15 دقيقة
كندوبوا 5 م ك زبدة مع القرفة والسكر
وكنضيفوا التفاح باش يتعسل
كنديروطبقة من الكراميل (يمكن ليكم ضيفوا الكركاع مهرمش فوق الكراميل
نضيف طبقة التفاح
تنخلطوا الفرماج مع البيض والسكر وفاني
ونصبوه في القالب ويدخل الفرن45 دقيقة تقريبا
مني نخرجوه من الفرن يترك حتى يبرد ونزينوه بالكراميل (من الأحسن يبقى ليلة كاملة قبل التقديم
بالصحة و الراحة
ميـل فوي بالصور
ميـل فوي بالصور
السلام عليكم، أقدم لكم اليوم ميل فوي بالصور
المقادير
كريم باتيسيير
العجينة مورقة
كلاصاج بالسكر كلاصي
شكلاط للتزيين
طريقة تحضير كلاصاج بالسكر كلاصي
نحتاج الى كاسان من السكر كلاصي تضيفين لهم ملعقة كبيرة من الماء و مع الخلط بالطراب حتى الحصول على خليط سائل قليلاً
الطريقة
مددي ثلاث قطع من العجينة المورقة جيدا، ثم اثقبيها بالشوكة
ضعيها في صفيحة معدنية مزيتة، ثم ادخليها الى الثلاجة لمدة 15 دقيقة
بعد ذلك ادخليها الى فرن ساخن درجة حرارته 220 حرارة مائوية
لمدة 10 دقائق، حتى يتذهب لونها.
اخرجي الصفيحة من الفرن، خذي القطعة الأولى
وافرغي فوقها الكريم باتيسيي، ثم غطيها بقطعة اخرى
ثم افرغي فوق القطعة الثانية كريم باتيسير، ثم غطيها بقطعة أخرى
زيني وجه القطعة الثالثة بالفوندون الأبيض، ثم زيني أيضا بخطوط
الشوكولاته السوداء المذابة
عندما تنتهي احتفظي بها في الثلاجة حتى موعد التقديم
بالصحة و الراحة
الكيكـــة الكريميـــة الرائعـــة
الكيكـــة الكريميـــة الرائعـــة
هاد كيكة كتجي فننننننة فازكة وكريمية ومذاق جديد ومميز حيت المكون الأساسي ديالها مختلف وهو : كاوكاو
مقادير الكيكة
بيضات3 + 2كيسان زيت + 2 كيسان حليب + 2 كيسان ونصف سنيدة + رابعة كاوكاو محمر ومقشر ومطحون نخليو منو حفينة مهرمشة للتزيين + 2 خمارات حلوى + 2 كيسان دقيق + شوية الملح
الطريقة
كناخدو الزيت و الحليب و السكر و5 معالق كبار من مسحوق الكاوكاو ونضربوهم فمولنكس حتى يرجع خاتر….ناخدو كاس من هاد الخليط ونحتافظو بيه في الثلاجة للتزيين
الكريمة لي بقات فالخلاط كنزيدو عليها 3 بيضات و نخلط الكل
وفي إناء آخر كنجمعو لي بقا من مسحوق الكاوكاو ماشي لكاس لي فالثلاجة و2 كيسان الطحين و الخميرة و الملح ونزيدو عليه خليط الكريمة و البيض لي فالخلاط
ونخلط بملعقة خشب و نكبوه فمول دائري أو مربع لي موجود…..فرن 40 د
ملي يطيب كنقسموه على 2 بخيط وكندهنوه بكاس الكريمة لي فالثلاجة
ونغطيوه بالنصف الآخر ولي بقا شوية من لكريمة أو غي بكونفتير ندهنو الوجه ونرشو كاوكاو مهرمش
إلى الثلاجة تبرد وهاهي واجدة بصحتكم
حلويات صابلي بالياغورت اللذيذة و الشهية
حلويات صابلي بالياغورت اللذيذة و الشهية
أقدم لكم اليوم حلويات صابلي بالياغورت اللذيذة و الشهية
مقادير صابلي
الزبدة 250 غ
كاس من الزيت
كيس من خميرة الحلوة
ياغورت بنكهة الفاني
الدقيق حسب الخليط
التزيين اختياري
سكر الصقيل
الشكلاط
المربى
طريقة التحضير
نخلط مكونات العجين جيدا و نكون رخوة
نبسط العجين و تقطع حسب الرغبة و حسب الذوق
نبسط العجين و تقطع حسب الرغبة و حسب الذوق
ندخل الصابلي الى الفرن و بعد اخراجه يجب ان يمرر جيدا في السكر الصقيل
او الشكلاط لانه لا يوجد السكر في مكونات تحضيره
و بالصحة و الراحة
بسطيلة الحوت
بسطيلة الحوت
السلام عليكم ، أقدم وصفة بسطيلة هائلة، بسطيلة بالحوت مغربية روعة بالصور والمراحل خطوة خطوة
مقادير بسطيلة الحوت المغربية
نصف كيلو ورقة البسطيلة
غرام 200 من الكلامار – 200 غ كروفيت – 200 غ من أي نوع من السمك الابيض تفضلين – علبة فطر – شعرية صينية
الابزار + الكمون + التحميرة +القزبر حبوب مطحون + ضروس ثوم + القزبر و المعدنوس مقطع رقيق + 2 معالق مطيشة الحك + 2 معالق كبار هريسة + الزيتون اخضر مقطع دواور + طريفات د الحامض مصير + عصير حامضة
باقي مقادير بسطيلة الحوت مع طريقة التحضير
طريقة التحضير بالصور
درت في المقلاة الحوت الابيض مع شوية د الزيت و الزبدة الملح و الابزار و ديته و جبته غي بشوية باش ما يتفرتتش
نفس الشيء درتو للكروفيت
و حتى الكلمار
في نفس المقلاة دائما درت الشومبينيون باش يتنسم بطيبة الحوت درت معاه شوية الثوم و المعدنوس
الشعرية الصينية خويت عليها الماء طايب حتى طلقات راسها صفيتها و قطعتها
و عاد خلطت كلشي الحوت + الشومبينيون + الشعرية الصينية + و زدت عليهم
الابزار + الكمون + التحميرة +القزبر حبوب مطحون + 4 ضروس ثوم + القزبر و
المعدنوس مقطع رقيق + 2 معالق مطيشة الحك
+ 2 معالق كبار هريسة + الزيتون اخضر مقطع دواور + طريفات د الحامض مصير +
عصير حامضة
الملح ما زتهاش حيت الحوت مملح و الزيتون حتى هو
خديت الطاوة د البسطيلة دهنتها بالزبدة و فرشت الورقة
درت الحشوة و خليت شي طريفات د الحوت الابيض زدتهم الفوق شاطو ليا شي ورقات درتهم بريوات عمرتهم بالجبن + الملح + الابزار + المعدنوس + زعيترة و دخلتهم للفران ما قليتهمش في الزيت
منين خرجتها من الفران دردرت عليها الفروماج محكوك و ستفت حداها البريوات و خليتها في طاوتها حتى نبغي نحطها عاد نعاود نرجع نسخنها
في النهاية، هذا هو الشكل النهائي بعد عمل بسطيلة الحوت الرائعة
بالصحة والعافية